من نحن  |  أسرة التحرير  |  أعلن معنا  |  اتصل بنا  | 
syrialife.org|سيريالايف
آخر تحديث : الاثنين 15 تشرين أول 2018   الساعة 15:40:54
بحث في الموقع
استفتاء
تابعونا على الفيس بوك
إشترك معنا
N/A
   "تامر" يتعرض لوعكة صحية وسيبتعد عن الغناء مدة 3 شهور    ما تواخذنا نسخة عن "السليط الإخباري" ومحاولة قد تفشل كـ"كلام كبير"    وزير الخارجية "وليد المعلم" مع نظيره العراقي يقول:" لا يمكننا السكوت على وضع ادلب"    صحيفة تركية تضيف دليلاً جديداً بشأن اختفاء الصحفي السعودي موجود مع خطيبته    تزوجت أخاها وأنجبت طفل سجلته باسم أبوها وبالتالي أصبح ابنها أخاً لها    بعد ثلاث سنوات... معبر النصيب يفتح أمام حركة السيارات والأشخاص    إلغاء عقوبة السجن من قانون السير مطلب شعبي واللجنة المعنية تناقش الأمر مع الحكومة    في الاردن المتحدث باسم مفوضية اللاجئين ينفي فتح استقبال طلبات عودة اللاجئين    الأجواء السديمية سبب اختناق أهالي القامشلي    البلاد ستتأثر بامتداد منخفض جوي
بـــ"تشيريت أحمر" كرت أحمر لوزارة الأوقاف
متظاهرون يبتكرون طريقة غريبة للاحتجاج على المرسوم رقم 16 الخاص بالأوقاف
سيريالايف

في محاولة لتجنّب أي مساءلة قد يسببها تجمعهم الاحتجاجي ضد مشروع قانون وزارة الأوقاف الجديد، ابتكر ناشطون سوريون طريقة للاحتجاج على القانون المذكور تتمثل في لبس قميص بلون أحمر

و ألغى النشطاء تظاهرة ضد القانون المرتقب كانت مقررة يوم الأحد 7 تشرين الأول، أمام مجلس الشعب، ولكن بالمقابل ابتكروا طريقة جديدة للاحتجاج على مشروع القانون وتتلخص بارتداء كنزة حمراء أو قميص أحمر يوم الأحد القادم من الساعة 4 و حتى الساعة 6 مساء، في جميع أنحاء البلاد من قبل الرافضين لمشروع القانون.

ولا يزال مشروع قانون وزارة الأوقاف يتفاعل بين الناس على السوشال ميديا، بين أغلبية رافضة للمشروع، وبعض المدافعين عنه.

وقال مطلقو الحملة إنها جاءت من "باب الوفاء لدم الشهداء والخوف على مستقبل بلدنا والانتقال من مرحلة التعبير على فايسبوك الى مرحلة التعبير على ارض الواقع للتعبير عن غضبنا من المرسوم 16 ونكون كرت احمر بوجه وزارة الاوقاف بدون إحداث أي شغب أو أي تجمع أو بدون حمل راية أو لافتة و دون أن يتعرض أحد فينا لمساءلة من أي شكل كان لأن ارتداء كنزة حمراء والمشي بالشارع ليس شيئاً غير قانوني".


وتداول النشطاء رسالة الكترونية تفيد بتغيير طريقة احتجاجهم جاء فيها :
"
تخيل انك تكون ماشي بالشارع و تشوف عدد كبير كتير من الناس لابسة كنزة او قميص لونهن احمر و بعدة مناطق بالشام القديمة بالشعلان بالصالحية بالجسر الابيض بالفحامة و....... الخ بنفس الوقت بنفس اليوم و بعد شوي تسمع ع التلفزيون انو هالظاهرة مو بس بالشام و انما بعدة محافظات..
أكيد رح تسأل حالك انو شو في حتى كل هالناس لابسة نفس اللون
رح تقول لحالك اكيد القصة مو مجرد صدفة
طبعا اول شي رح يخطر ع بالك انو عيد الفلانتاين
بس رح ترجع تقول لحالك انو نحن مو بشهر شباط
نحن بتشرين و بالآخر القصة بدا تثير فضولك لتعرف شو السبب
اللي رح نعملو بالايفنت من باب الوفاء لدم الشهداء يللي استشهدوا و هني عم يوفوا بوعد (و الله لنمحيها) و من باب الخوف ع مستقبل بلدنا هوي انو ننتقل من مرحلة التعبير ع الفيس الى مرحلة التعبير ع أرض الواقع
و طريقة التعبير أنو: بتاريخ 7/10/2018 من الساعة 4 و حتى الساعة 6. ننزل ع الشارع و نمارس حياتنا بشكل طبيعي و نحنا لابسين تياب لونا أحمر نعبر فيها عن غضبنا من المرسوم 16 و نذكر الناس بدم الشهدا و نكون (((كرت أحمر بوجه وزارة الأوقاف)))
بدون إحداث أي شغب أو أي تجمع أو بدون ما نحمل راية أو لافتة و بدون ما يتعرض أي حدا فينا لمساءلة من أي شكل كان..و بالعربي الفصيح إنك تلبس كنزة حمرا و تمشي بالشارع مانو شي غير قانوني.
يمكن طريقة التعبير تلاقوها غريبة أو سخيفة أو حتى جنونية
بس طول هالحرب و بأي مصيبة مرت علينا كنا نغير صورة البروفايل و أحيانا نوحدها........خلونا هالمرة نغير كنزتنا و ننزل ع الشارع متوحدين
كتار قالو إنو استفتاءات الفيس لا تملك مصداقية.......و إنو ما في عدد هائل يللي بعارض المرسوم 16
خلونا ننزل ع الشارع و نثبت انو عددنا كبير كتير، قولو عن هالطريقة اللي بدكن ياه بس خلونا ع الاقل نحاول..مافي أي طريقة تانية نعبر فيها بدون ما حدا يتعرض للأذى، بالآخر ما حدا فينا رح يخسر شي ، بس إذا ربحنا رح نكون ربحنا وطن بيستوعب الكل.. منكون وقفنا وقفة عز بحياتنا، بنكون وقفنا بوجه أسلمة الدولة و عملنا إنجاز كبير نذكرو لآخر العمر..
ع الاقل اذا سألونا ولادنا شو عملتو منقلن عملنا كل شي قدرنا عليه ما منقلن نشرنا ع الفيس بس ما حركنا ساكن.."

وختمت الرسالة بهاشتاغ (لوزارة_الاوقاف_كرت_أحمر).

 

السبت 2018-10-06 | 20:34:52
هل ترغب في التعليق على الموضوع ؟

ملاحظة : جميع التعليقات المنشورة تعبر عن رأي أصحابها ولا علاقة لموقع سيريا لايف الإخباري بمحتواها

: الاسم
: البريد الالكتروني
: عنوان التعليق

عدد الأحرف المسموح بها 500 حرف
: نص التعليق
: أدخل الرمز
   
الرئيسية  |   سياسة  |   اقتصاد  |   محليات  |   جامعات ومدارس  |   حوادث  |   تحقيقات  |   علوم واتصالات  |   ثقافة وفن  |   رياضة  |   صحافة المواطنين  |   صورة من الشارع  |  
جميع الحقوق محفوظة لموقع سيريا لايف | syrialife.org © 2009 - 2018
Powered by Ten-neT.biz ©